روتيني اليومي بلعناية ببشرتي

السلام عليكم جميلاتي اشتقت لتدوين بصراحة ما اتحمس كثير للمدونة لان يبي لها تعديلات صورة والوان وكذا اليوم بحط لكم روتيني ببشرتي والروتين هذا اسويه مرتين بليوم صبح وليل لان بشرتي دهنية طبعاً بموضوع الاهتمام بلبشرة ذكرت ايش المفروض نسويه لبشرتنا يومياً غسول و تونر وترطيب 

حالياً مره مرتاحة على غسول ومقشر كلين اند كلير الغسول استخدمه بشكل يومي ومرتين وريحته حلوه ويعطيك انتعاش وبروده ومع الوقت يفتح بشرتك في كثير انواع لكن ارتحت على هذا مره -المقشر من نفس النوع استخدمه يوم الثلاثاء والجمعة- استخدم مع الغسول فرشة ذا بودي شوب

الفترة الاخيرة ادمنت موية الورد بعد ما اغسل بشرتي انشفها وارش عليها موية ورد لو بشرتك تتحسس منه خففيه يعني حطي عليه موية عادية✋ استخدمه اذا صحيت من النوم وانصحك تخليه بمكان بارد 

وبعدها استخدم تونر من نيفيا امسح بشرتي بقطنة قبل انام في لكل انواع البشرة

قطن جونسون اول مره استخدمه تعودت على قطن بودي شوب الجميل للاسف ان الفرع القريب من بودي شوب شالوه واضطريت على جونسون لكن مره حلو

ارطب بشرتي اذا صحيت بهذا المرطب مره حبيته اكتفي مره وحده بليوم مو اكثر الجميل ان في نسبة واقي لكن ما اعتمد عليه استخدم واقي من بيودرما 

واستخدم لروتين الليل مرطب سيتافيل الجميل مره جميل ومرتاحة عليه 

هذا روتيني بنهاية اقول اللي يناسبني ممكن ما يناسبك لان بشراتنا تختلف وممكن استخدمي واحد من المنتجات وما فادك مو معناه انه مو كويس💜