العناية بالمنطقة الحساسة

مساء الخير لاميراتي اول موضوع لليوم بيكون عن العناية بلمنطقة الحساسة تكلمت فيه من قبل بلانستغرام لكن بتوسع هنا وبحط لك كيف تهتمين فيها يومياً واسبوعياً وشهرياً ما اشوف ان الموضوع محرج لان كلنا بنات وواجب عليك الاهتمام بنفسك نجي للخطأ كثير بنات تعتقد انا الاهتمام بس المتزوجات والغسول ما ينفع للبنات وهذا غلط اهتمي عشان نفسك عشان تحسين بنظافة واهتمام💜 

يلا نبدا:

ازالة شعر المنطقة الله يكرمكم الرسول صلى الله عليه وسلم قال -نتف الابط وحلق العانة- وعشان نمشي مع سنة حبيبنا انا اشوف ان إزالة الشعر بلموس افضل بكثير بتقولين لي يسمر بقول لك انا بلاهتمام ما راح يسمر طلع الشعر بفترة قصيرة معليش ايش وراك انتي شيلي

الطريقة اللي انا تعودت عليها: اني بكل مره اقشر المنطقة بمقشر طبيعي -زيت زيتون مع سكر وموية ورد- واستخدم ليفة القلفز تحصلينها بسنتربوينت او بودي شوب قشري المنطقة بعدها  شيلي بلموس اختاري الموس اللي يريحك في امواس لها شفرة وامواس شفرتين شوفي المناسب لك بلشي شيلي الشعر مع اتجاة نمو الشعر مب العكس بكذا يساعدك ان فترة نمو الشعر اطول وما تطلع لك حبوب وبعدها امسحي المنطقة بقطنة فيها موية ورد و حطي كريم على المنطقة مثل سودو كريم او غيره عشان يمنع لك التهيج.

هاذي الامواس تجي بكرتونة وابد ما انصح فيها اشوف ان افضل امواس اللي لونها  ازرق 

نجي للاهتمام الاسبوعي ضروري يكون عندك غسول خاص للمنطقة افضل غسول استخدمته -كيرفري وسيباميد- وعندي الافضل سيباميد غسلي بلغسول يومين بلاسبوع بس وحتى اذا مكتوب عليه للاستعمال اليومي مو كويس لان المنطقة فيها بكتيريا نافعة ممكن يقتلها طريقة استخدامه سهلة بللي المنطقة بلموية وحطي كمية من الغسول على ايدك وفوقة موية يعني خففيه وافركي المنطقة من برا وغسليها الايام الثانية من الاسبوع استخدمي المناديل امسحي فيها المنطقة تعطيك انتعاش ونظافة اكتفي انها مره وحده بليوم واليوم اللي تستخدمين فيه  الغسول لا تستخدمين المناديل في منها كثير انواع انا استخدم كيرفري تقدرين تستخدمين حقت الاطفال.

لو تعانين من الافرازات اذا كانت كثيرة راجعي الدكتور اما الافرازات العادية استخدمي الفوط اليومية وافضل نوع حقت كيرفري لكن نصيحة بنات لا تستخدميها بكثرة لان المنطقة تحتاج تهوية واذا كتمتي المنطقة تسبب لك اسمرار انصحك استخدميها للمدرسة.

نجي للاندر وير او الكلوت احرصي انها تكون قطن ١٠٠٪ مثل حقت سيتي ماكس -سنتربويت-نعومي-فيكتوريا سيكرت وغيرها واحرصي على تبديلها يومياً ولو حاشها موية بدليها عشان ما تجيب لك الريحة وادا خلصتي حاجتك الله يكرمك نشفي المنطقة من الموية بلمناديل او فوطة  خاصة

نجي العناية بأيام الدورة الشهرية ضروري انك تبدلين الكوتكس الله يكرمكم على الاقل ٣ مرات بليوم ابعدي عن الاشياء الباردة لانها تجمع الدم في رحمك وسبحان الله الدورة تجينا عشان تخلصنا من الدم الفاسد فما بالك لما تشربين بيبسي وغيره وتجمعين الدم الله يكرمك ممكن يسبب لك سرطان برحم الله يحمينا واحرصي تشربين السوائل الحارة القرفة جميلة والحليب الحار مع فلفل اسود اشربيه قبل تنامين👌

دفي نفسك عشان ما يجيك الالم صحيح ان نتعب كلنا مع الالم وتتغير نفسيتتا لكن دايم قولي ربي لك الحمد اذا جاك الالم اشربي قرفة وامسحي بطنك ومكان الالم بزيت زيتون دافي 

وممكن تستخدمين هذا الشي ما اعرف اسمها✋ تحصلينها في دايسو او اي صيدلية حطي فيها موية حارة وحطيها على مكان الالم وانتبهي منها حطي عليها القماش وبالك تحطيها مباشرة على بطنك لا فوق ملابسك

 بعدي عن المسكنات البندول والبروفين والابر لانها ضاره 

لو الاندر وير حقك صار عليه دم الله يكرمك غيريه واغسليه بأيدك لان حتى الشغالة ما راح تمسكه وتقرف اغسليه بموية باردة وبعدها حارة 

نجي اذا خلصتي من الدورة حددي الوقت اللي تغتسلين فيه وقبله بساعتين  زيتي شعرك وسوي لك مقشر طبيعي لو ما عندك وادخلي اغتسلي بطريقة اللي متعودين عليها وشيلي المنطقة الحساسة وقشري جسمك والشور العادي وبعدها ترطيب  

اذا طلع بوجهك حبوب بسبب الدورة لا تلمسيها ابد عشان ما تترك اثر واستخدمي لها زيت الشاي من بودي شوب او معجون الاسنان 

وبكذا اكون خلصت الموضوع اتمنى يكون عجبكم اللي عندها سؤال تسألني ، احبكم💜 وعطوني رايكم في البوست فلانستغرام.