مق من صنع ايديا💆

مساء الخير واخيراً تدوينه جديدة بلبداية انا آسفة مره لان التصوير على السريع وابداً مب عاجبني وكان نفسي احط لكم الطريقة كاملة على اليوتيوب بصوت بس للاسف الاجازة على وشك تنتهي وما عندي وقت لتحميل وكذا:

بما ان كثير انطلب مني طريقتي للمق بحطها لكم كاملة هنا اشتريه من ايكيا وسعره رخيص ممكن ب ٣٠ وموجود ب ستاربكس وغيره وسعره اتوقع ب ٤٠ 

هذا شكل المق قبل وبعد التصميم يجيك كذا من ايكيا ابيض 

الورق اللي انا استخدمه مثل ما تشوفون اشكاله مختلفة من دايسو اساساً هو لتغليف الهدايا بس استخدمته للمق تقريباً اربع اشكال مختلفة مع بعض بسعر رخيص

التصاميم كلها من تصميمي العبارات والصور استخدم برنامج picsart 

الحين نبدا التصميم اول حاجة نفتح المق من القطعة اللي لونها اسود من الاسفل ونطلع الورق الابيض

نختار التصميم والورق انا اخترت البينك والتصميم اللي فيه بنت ناخذ الورقة اللي كانت داخل المق بلون ابيض ونجيب الورق اللي حابين ندخله بلمق ونقصه بنفس القياس بضبط لو قصيتيه ب اي قياس ممكن ما يدخل عشان كذا لزوم يكون بنفس القياس بعد ما يكون عندك الورق الجديد جاهز بلقياس نجيب الورق الصغير اللي عليه بنت ونلزقه على البينك انا بتصاميم الصور استخدم الورق اللاصق عشان يسهل علي وما احتاج صمق وبعد ما يكون التصميم جاهز ندخله بلمق مثل ما طلعنا الورق الابيض  ونرجع نقفله مثل ما ما كان وبس مره سهل وما ياخذ منك وقت كثير 

سألوني بنات ان كيف التصميم ما يخرب من الكوفي؟ لا ابداً في عازل بين التصميم والكوفي 

المق شفاف مثل ما تشوفون شفاف بس شكله يجي ابيض عشان الورق

وهذا المق بعد التصميم

شور الجمعة المنعش

مساء الجمال لاجمل متابعات احبكم واتمنى تفاعلكم يكون دايم كذا مثل ما وعدتكم احط الشور اللي اسويه كل جمعة واللي عندها اي سؤال لا تتردد💛

اول خطوة اسويها اجهز كل الاشياء اللي حابه استخدمها كلها احطها في سلة وبعدها ازيت شعري واسوي لي مقشر 

المقشر الجميل اللي استخدمه طبيعي ومره يجنن بشكل استخدمت كثير مقشرات ما اشوف اجمل منه مكوناته:-

-سكر حسب حاجتك 

-زيت زيتون 

-موية ورد

اخلطي السكر مع موية الورد واتركيه شوي يتجانس وفوقه زيت الزيتون اضيفي ليمون لو جسمك ما يتحسس وبكذا اكون جهزت كل اشيائي.

اول خطوة اغسل واقشر بشرتي وافرش اسناني واستخدم غسول الفم واغسل شعري بشامبو جونسون  واغسل جسمي بشور جل من فازلين برمان جمييييل وريحته انتعاش بعدها احط على شعري حمام زيت واحط الشور كابك وابدا بتقشير

اوزع المقشر على كامل جسمي وافرك بحركات دائرية وبلطف لمدة خمس دقائق او اقل وانثر ملح الحليب وبس يذوب افرك جسمي احياناً استخدم ليفة القلفز لكن ما استخدمتها لانها قاسيه مع السكر واغسل جسمي بموية فاترة

فائدة المقشر نعومة جميلة من زيت الزيتون والسكر يشيل الجلد الميت من جد جسمك بيصير مثل البيبي من النعومة ومع الاستمرار بتشوفين الفرق  وبعدها اغسل شعري وطبعاً المنطقة الحساسة بغسول سيباميد وخلصت

نجي لنقطة المهمة الترطيب وجسمي مبلول على الخفيف ارطبه بلبيبي اويل الجميل وارطب جسمي بزبدة الشيا من بودي شوب وفازلين الموحد وبشرتي تونر موية الورد وارطبها بمرطب سيتافيل 

وارطب ايدي بهاند فود والقدمين من جرجنز جميييييل وارطب شفايفي وشعري انتظره ينشف وبس مره قصير الموضوع عارفه اللي عندها اي سؤال بلانستغرام وكمان اقترحو مواضيع

روتيني اليومي بلعناية ببشرتي

السلام عليكم جميلاتي اشتقت لتدوين بصراحة ما اتحمس كثير للمدونة لان يبي لها تعديلات صورة والوان وكذا اليوم بحط لكم روتيني ببشرتي والروتين هذا اسويه مرتين بليوم صبح وليل لان بشرتي دهنية طبعاً بموضوع الاهتمام بلبشرة ذكرت ايش المفروض نسويه لبشرتنا يومياً غسول و تونر وترطيب 

حالياً مره مرتاحة على غسول ومقشر كلين اند كلير الغسول استخدمه بشكل يومي ومرتين وريحته حلوه ويعطيك انتعاش وبروده ومع الوقت يفتح بشرتك في كثير انواع لكن ارتحت على هذا مره -المقشر من نفس النوع استخدمه يوم الثلاثاء والجمعة- استخدم مع الغسول فرشة ذا بودي شوب

الفترة الاخيرة ادمنت موية الورد بعد ما اغسل بشرتي انشفها وارش عليها موية ورد لو بشرتك تتحسس منه خففيه يعني حطي عليه موية عادية✋ استخدمه اذا صحيت من النوم وانصحك تخليه بمكان بارد 

وبعدها استخدم تونر من نيفيا امسح بشرتي بقطنة قبل انام في لكل انواع البشرة

قطن جونسون اول مره استخدمه تعودت على قطن بودي شوب الجميل للاسف ان الفرع القريب من بودي شوب شالوه واضطريت على جونسون لكن مره حلو

ارطب بشرتي اذا صحيت بهذا المرطب مره حبيته اكتفي مره وحده بليوم مو اكثر الجميل ان في نسبة واقي لكن ما اعتمد عليه استخدم واقي من بيودرما 

واستخدم لروتين الليل مرطب سيتافيل الجميل مره جميل ومرتاحة عليه 

هذا روتيني بنهاية اقول اللي يناسبني ممكن ما يناسبك لان بشراتنا تختلف وممكن استخدمي واحد من المنتجات وما فادك مو معناه انه مو كويس💜 

الاهتمام الكامل بالبشرة.

السلام عليكم حبيباتي💜 موضوع اليوم يهم الكثير وكثير يسألني  

-كيف اعرف نوع بشرتي؟

-كيف اهتم ببشرتي؟

بلبداية مهم جداً انك تعرفين نوع بشرتك عشان يكون اختيارك صحيح للمنتجات والعناية.

كيف تعرفين نوع بشرتك؟ هطريقة جميلة وساعدتني بتحديد بشرتي من موقع جمالك:

 اغسلي بشرتك كويس بلموية وجففيه وبعد ساعة كاملة جيبي مناديل -كلينكس- واضغطي على الجبهة والخدين والانف والذقن  عندك ٤ احتمالات 

-اذا شفتي بلاماكن الاربعة اللي ضغطتي عليها دهون بشرتك دهنية.

-اذا شفتي دهون في بعض المناطق بشرتك مختلطة.

-اذا ما كان على بشرتك اي آثار دهنية بشرتك عادية.

-اذا شفتي على بشرتك قشور بشرتك جافة.

عرفتي نوع بشرتك؟ نجي للاهتمام كل نوع بشرة تحتاج اهتمام خاص مثلاً البشرة الدهنية تحتاج انك تغسلينها مرتين بليوم والبشرة الجافة ضروري في الليل مع ترطيب كثير. 

ايش مفروض يكون عندك لبشرتك -غسول وتونر ومرطب ومزيل ميك اب مناسب-

الغسول : لكل بشرة غسول معين وخاص فيها عشان كذا استخدمي الغسول المناسب لنوع بشرتك اذا كانت بشرتك دهنية اغسليها مرتين بليوم اما اذا كانت حساسة او جافة اكتفي بمره وحده وضروري الغسول ياخذ وقته على بشرتك وافركيه بحركات دائرية خفيفة وممكن تستخدمين فرشة للوجه مثل -بودي شوب- 

ما بعد الغسول

التونر: مره مهم التونر يساعدك ان يقفل المسام وينعش البشرة ويقلل من افرازات الدهون في كثير انواع -بيودرما او نيفيا- حطي من التونر على قطنة وافركي فيها بشرتك استخدمتي كثير ما نفع مع بشرتك او ما حبيتي اشوف ان اجمل تونر هو موية الورد ودايم برديها استخدميها مع قطن او حطيها مثل الصورة ولو استخدمتي موية الورد وحسيتي انها تهيج بشرتك وحسستها خففيها لان يكون تركيزها عالي.

ونجي لاهم شي اللي هو الترطيب : ضروي بنات الترطيب مره مهم اختاري مرطب مناسب لبشرتك ارشح لكم -سيتافيل وبودرما- 

نصائح بسيطة:

-لازم يكون عندك روتين لبشرتك وذكرته واللي هو (غسول تونر او تونيك وبعده ترطيب)

-لا تنامين بلميك ابداً انتي كذا تعدمين بشرتك استخدمي مزيل -بحط لكم بوست كامل- وبعدها تغسلين بشرتك.

-قشري بشرتك  مرتين بلاسبوع لو بشرتك دهنية ومره لو بشرتك جافة او حساسة استخدمي مقشر جاهز او طبيعي

-الموية مررره سر جمال البشرة مهما يكون ببشرتك مشاكل اذا تشربين كثير موية بتشوفين فيها نظارة وحطيت لكم برنامج يساعدك تشربين موية.

شوفو هنا كيف الموية سر النتائج الجميلة بعد ٤ اسابيع من شرب الموية.

-خصصي يوم بلاسبوع تعتنين فيه ببشرتك تقشير وبعده ماسك او قناع استخدمي جاهز او طبيعي اللي يريحك (وبكتب لكم اجمل الماسكات الطبيعية)

-ضروري تحمين بشرتك من الشمس انك تحطين واقي.

-غسلي الفرش حقتك بأستمرار عشان ممكن تسبب لك حبوب

- واذا جتك حبة فجاءة ابد لا تلمسينها عشان ما تترك لك اثر ممكن تتخلصين منها (زيت الشاي من بودي شوب -معجون الاسنان) 

-مشاكب البشرة كثير لو عندك (هالات -حب شباب -آثار- هالات ) عالجيها انا حطيت بلانستغرام لكل مشكلة حلول لو ما حصلتيها اكتبي لي اسوي لك منشن. 

بكذا اكون خلصت الموضوع مع اني احس اني ما عطيته حقه لكن اعذروني واتمنى تستفيدون بحط لكم قريب اجمل ماسكات طبيعية للبشرة وموضوع عن إزالة الميك اب💜

انا جميلة اذا اهتميت

الموضوع هذا كان المفروض يكون اول موضوع  بلمدونة لكن حبيبت اني اكتبه كامل واخذ وقتي فيه💎 بعد هاذي التدوينة بحط لكم كيف تهتمين ببشرك وشعرك وغيره.

كل بنت تحب نفسها تكون اجمل بنت ما في بنت قبيحة في بنت تعرف لنفسها فتجملها وبنت ما تعرف لنفسها فتشوها وكل وحده فينا جميلة بشي معين عشان كذا لا تقولين انا قبيحة شينه الكلمات هاذي ابعديها عن قاموس حياتك ضيفي لقاموسك انا جميلة اذا اهتميت بنفسي انا جميلة اذا عرفت كيف ابرز ملامحي 

وحده من متابعاتي كتبت لي كيف اهتم بنفسي من الالف لي الياء؟ وان شاءالله بتطلعين من البوست هذا وانتي تعرفين لنفسك

بلبداية جميلاتي اذا ربي رازقك بجمال لا تتكبرين على غيرك بعدي عن الغرور والتكبر لان بكرا كلنا تحت نفس التراب ترابك ما بيكون مرصع بالاماس دنيا وبتخلص لكن ايش انتي سويتي فيها بيكون معاك ابتسمي الابتسامة صدقة كل اللي بوصله لك من الحكي الجمال جمال الروح💎

حطي هدفك من اهتمامك هو انك ترضين نفسك ثم لا شي لو رحتى لحفلة حطي ميك اب لنفسك صلحي شعرك لنفسك -ولنفسك عليك حق- لو كان هدفك ارضاء غيرك في مثل يقول رضاء الناس غايه لا تدرك بتشوفين شخص يمدحك وغيره يذمك خلي كل اهدافك تكون لنفسك ثاني حاجة الثقة بنفس اكثر حاجة ضروري تكون عندك لا تتركين اي شخص يأثر عليك لو بكلمة خليك مثل الجبل واقف ما يهزه احد 

يلا نهتم مع الميث؟ شوفي انتي شخصياً ايش مو عاجبك بنفسك وغيره عالجي كل مشكلة عندك في بشرتك او شعرك روحي وجيبي كل شي لنفسك منتجات لبشرتك وغيره واختاري الشي المناسب لنفسك لا تاخذين براي احد يعني بلوقر كتبت لك لا تشترين هلمنتج تتركينه لان اللي يناسبني ممكن ما يناسبك ويناسب غيرك شريتي وجهزتي كل اشيائك بلشي بأهتمامك انتي من النوع اللي ينسى سوي لك جدول واختاري الاوقات اللي تكونين مروقه فيها يمكن اول يومين تتكاسلين لكن بعدها انتي نفسك بتحسين في شي ناقص حبي نفسك بتجملين نفسك👑 ،احبكم واتمنى لكم السعادة والتوفيق ايش يخطر في بالك وحابه تسأليني عنه انا موجودة لكم واعتبركم خوات لي انتظروني بتدوينات اجمل في الايام الجاية.

العناية بالمنطقة الحساسة

مساء الخير لاميراتي اول موضوع لليوم بيكون عن العناية بلمنطقة الحساسة تكلمت فيه من قبل بلانستغرام لكن بتوسع هنا وبحط لك كيف تهتمين فيها يومياً واسبوعياً وشهرياً ما اشوف ان الموضوع محرج لان كلنا بنات وواجب عليك الاهتمام بنفسك نجي للخطأ كثير بنات تعتقد انا الاهتمام بس المتزوجات والغسول ما ينفع للبنات وهذا غلط اهتمي عشان نفسك عشان تحسين بنظافة واهتمام💜 

يلا نبدا:

ازالة شعر المنطقة الله يكرمكم الرسول صلى الله عليه وسلم قال -نتف الابط وحلق العانة- وعشان نمشي مع سنة حبيبنا انا اشوف ان إزالة الشعر بلموس افضل بكثير بتقولين لي يسمر بقول لك انا بلاهتمام ما راح يسمر طلع الشعر بفترة قصيرة معليش ايش وراك انتي شيلي

الطريقة اللي انا تعودت عليها: اني بكل مره اقشر المنطقة بمقشر طبيعي -زيت زيتون مع سكر وموية ورد- واستخدم ليفة القلفز تحصلينها بسنتربوينت او بودي شوب قشري المنطقة بعدها  شيلي بلموس اختاري الموس اللي يريحك في امواس لها شفرة وامواس شفرتين شوفي المناسب لك بلشي شيلي الشعر مع اتجاة نمو الشعر مب العكس بكذا يساعدك ان فترة نمو الشعر اطول وما تطلع لك حبوب وبعدها امسحي المنطقة بقطنة فيها موية ورد و حطي كريم على المنطقة مثل سودو كريم او غيره عشان يمنع لك التهيج.

هاذي الامواس تجي بكرتونة وابد ما انصح فيها اشوف ان افضل امواس اللي لونها  ازرق 

نجي للاهتمام الاسبوعي ضروري يكون عندك غسول خاص للمنطقة افضل غسول استخدمته -كيرفري وسيباميد- وعندي الافضل سيباميد غسلي بلغسول يومين بلاسبوع بس وحتى اذا مكتوب عليه للاستعمال اليومي مو كويس لان المنطقة فيها بكتيريا نافعة ممكن يقتلها طريقة استخدامه سهلة بللي المنطقة بلموية وحطي كمية من الغسول على ايدك وفوقة موية يعني خففيه وافركي المنطقة من برا وغسليها الايام الثانية من الاسبوع استخدمي المناديل امسحي فيها المنطقة تعطيك انتعاش ونظافة اكتفي انها مره وحده بليوم واليوم اللي تستخدمين فيه  الغسول لا تستخدمين المناديل في منها كثير انواع انا استخدم كيرفري تقدرين تستخدمين حقت الاطفال.

لو تعانين من الافرازات اذا كانت كثيرة راجعي الدكتور اما الافرازات العادية استخدمي الفوط اليومية وافضل نوع حقت كيرفري لكن نصيحة بنات لا تستخدميها بكثرة لان المنطقة تحتاج تهوية واذا كتمتي المنطقة تسبب لك اسمرار انصحك استخدميها للمدرسة.

نجي للاندر وير او الكلوت احرصي انها تكون قطن ١٠٠٪ مثل حقت سيتي ماكس -سنتربويت-نعومي-فيكتوريا سيكرت وغيرها واحرصي على تبديلها يومياً ولو حاشها موية بدليها عشان ما تجيب لك الريحة وادا خلصتي حاجتك الله يكرمك نشفي المنطقة من الموية بلمناديل او فوطة  خاصة

نجي العناية بأيام الدورة الشهرية ضروري انك تبدلين الكوتكس الله يكرمكم على الاقل ٣ مرات بليوم ابعدي عن الاشياء الباردة لانها تجمع الدم في رحمك وسبحان الله الدورة تجينا عشان تخلصنا من الدم الفاسد فما بالك لما تشربين بيبسي وغيره وتجمعين الدم الله يكرمك ممكن يسبب لك سرطان برحم الله يحمينا واحرصي تشربين السوائل الحارة القرفة جميلة والحليب الحار مع فلفل اسود اشربيه قبل تنامين👌

دفي نفسك عشان ما يجيك الالم صحيح ان نتعب كلنا مع الالم وتتغير نفسيتتا لكن دايم قولي ربي لك الحمد اذا جاك الالم اشربي قرفة وامسحي بطنك ومكان الالم بزيت زيتون دافي 

وممكن تستخدمين هذا الشي ما اعرف اسمها✋ تحصلينها في دايسو او اي صيدلية حطي فيها موية حارة وحطيها على مكان الالم وانتبهي منها حطي عليها القماش وبالك تحطيها مباشرة على بطنك لا فوق ملابسك

 بعدي عن المسكنات البندول والبروفين والابر لانها ضاره 

لو الاندر وير حقك صار عليه دم الله يكرمك غيريه واغسليه بأيدك لان حتى الشغالة ما راح تمسكه وتقرف اغسليه بموية باردة وبعدها حارة 

نجي اذا خلصتي من الدورة حددي الوقت اللي تغتسلين فيه وقبله بساعتين  زيتي شعرك وسوي لك مقشر طبيعي لو ما عندك وادخلي اغتسلي بطريقة اللي متعودين عليها وشيلي المنطقة الحساسة وقشري جسمك والشور العادي وبعدها ترطيب  

اذا طلع بوجهك حبوب بسبب الدورة لا تلمسيها ابد عشان ما تترك اثر واستخدمي لها زيت الشاي من بودي شوب او معجون الاسنان 

وبكذا اكون خلصت الموضوع اتمنى يكون عجبكم اللي عندها سؤال تسألني ، احبكم💜 وعطوني رايكم في البوست فلانستغرام.

غرفة الميث

صباح السعادة لاميراتي حبيت اليوم اتكلم عن غرفتي بنسبة لي غرفتي اقرب مكان لقلبي كلنا كذا عشان كذا لا تسمحين لاحد يختار عنك لان الشي اللي انتي تختاريه يرتاح له قلبك بصراحة ما اشوف ان غرفتي توب ويبيلها تعديلات كثير لكن شهر ١ بغيرها كاملة ف ما اشوف ان تسوى اغير فيها حالياً 

بلبداية لون غرفتي هو الموف الفاتح وهذا لوني المفضل💜 دايم بنات اختاري لون غرفتك بلونك المفضل ويكون فاتح اجمل وبعدي عن الاسود لان يخلي الغرفة كائيبة ممكن تحطين ورق جدران ويكون مورد غرفتي الجديدة ناوية ان الورق جدران يكون فاكتوري

بنسبة لستارة من ايكيا حالياً في تحتها قطعة شفافة هاذي الصورة قديمة في صور بلانستغرام واضحة فيها القطعة الجديدة ولان لون غرفتي سادة حبيت ان الستارة ما تكون سادة 

بلاط غرفتي ابد مو عاجبني وطالبه باركيه من المانيا وياخذ وقت بعد شهر بوصل ان شاءالله حطي لك كنب بغرفتك بحيث تاخذين راحتك وتبعدين عن الجلسة على السرير وقدام الكنب طاولة وعليها ورد وشمعة وبرواز فيه صورة جميلة كلها من ايكيا

احب التغير عشان كذا احب ابدل مكان الكنب كل فترة

هصورة وقت التنظيف عشان كذا الطاولة قريبة من الجدار لكن هي بنفس مستوى البراويز وهاذي من تنسيقي ومن ايكيا

تسريحتي مره عادية عشان كذا ما احب اصورها لاني حابه تكون اجمل من كذا وعندي افكار كثيرة مطبقها 

صورة ثانية وحبيت اني احفظ على اللون من الميك اب صرت احط عليه ورق مورد من دايسو 

خصصي لوحة مثل هاذي حطي عليها مخططاتك اليومية والاسبوعية وغيره من دايسو وموجودة في ايكيا وجرير 

اتمنى يكون عجبكم الموضوع اللي عندها اي سؤال تسأل احبكم💜 جمعت كل الصور هنا