مساء الخير واخيراً تدوينه جديدة بلبداية انا آسفة مره لان التصوير على السريع وابداً مب عاجبني وكان نفسي احط لكم الطريقة كاملة على اليوتيوب بصوت بس للاسف الاجازة على وشك تنتهي وما عندي وقت لتحميل وكذا:
بما ان كثير انطلب مني طريقتي للمق بحطها لكم كاملة هنا اشتريه من ايكيا وسعره رخيص ممكن ب ٣٠ وموجود ب ستاربكس وغيره وسعره اتوقع ب ٤٠
هذا شكل المق قبل وبعد التصميم يجيك كذا من ايكيا ابيض
الورق اللي انا استخدمه مثل ما تشوفون اشكاله مختلفة من دايسو اساساً هو لتغليف الهدايا بس استخدمته للمق تقريباً اربع اشكال مختلفة مع بعض بسعر رخيص
التصاميم كلها من تصميمي العبارات والصور استخدم برنامج picsart
الحين نبدا التصميم اول حاجة نفتح المق من القطعة اللي لونها اسود من الاسفل ونطلع الورق الابيض
نختار التصميم والورق انا اخترت البينك والتصميم اللي فيه بنت ناخذ الورقة اللي كانت داخل المق بلون ابيض ونجيب الورق اللي حابين ندخله بلمق ونقصه بنفس القياس بضبط لو قصيتيه ب اي قياس ممكن ما يدخل عشان كذا لزوم يكون بنفس القياس بعد ما يكون عندك الورق الجديد جاهز بلقياس نجيب الورق الصغير اللي عليه بنت ونلزقه على البينك انا بتصاميم الصور استخدم الورق اللاصق عشان يسهل علي وما احتاج صمق وبعد ما يكون التصميم جاهز ندخله بلمق مثل ما طلعنا الورق الابيض ونرجع نقفله مثل ما ما كان وبس مره سهل وما ياخذ منك وقت كثير
سألوني بنات ان كيف التصميم ما يخرب من الكوفي؟ لا ابداً في عازل بين التصميم والكوفي
المق شفاف مثل ما تشوفون شفاف بس شكله يجي ابيض عشان الورق
وهذا المق بعد التصميم
