الاهتمام الكامل بالبشرة.

السلام عليكم حبيباتي💜 موضوع اليوم يهم الكثير وكثير يسألني  

-كيف اعرف نوع بشرتي؟

-كيف اهتم ببشرتي؟

بلبداية مهم جداً انك تعرفين نوع بشرتك عشان يكون اختيارك صحيح للمنتجات والعناية.

كيف تعرفين نوع بشرتك؟ هطريقة جميلة وساعدتني بتحديد بشرتي من موقع جمالك:

 اغسلي بشرتك كويس بلموية وجففيه وبعد ساعة كاملة جيبي مناديل -كلينكس- واضغطي على الجبهة والخدين والانف والذقن  عندك ٤ احتمالات 

-اذا شفتي بلاماكن الاربعة اللي ضغطتي عليها دهون بشرتك دهنية.

-اذا شفتي دهون في بعض المناطق بشرتك مختلطة.

-اذا ما كان على بشرتك اي آثار دهنية بشرتك عادية.

-اذا شفتي على بشرتك قشور بشرتك جافة.

عرفتي نوع بشرتك؟ نجي للاهتمام كل نوع بشرة تحتاج اهتمام خاص مثلاً البشرة الدهنية تحتاج انك تغسلينها مرتين بليوم والبشرة الجافة ضروري في الليل مع ترطيب كثير. 

ايش مفروض يكون عندك لبشرتك -غسول وتونر ومرطب ومزيل ميك اب مناسب-

الغسول : لكل بشرة غسول معين وخاص فيها عشان كذا استخدمي الغسول المناسب لنوع بشرتك اذا كانت بشرتك دهنية اغسليها مرتين بليوم اما اذا كانت حساسة او جافة اكتفي بمره وحده وضروري الغسول ياخذ وقته على بشرتك وافركيه بحركات دائرية خفيفة وممكن تستخدمين فرشة للوجه مثل -بودي شوب- 

ما بعد الغسول

التونر: مره مهم التونر يساعدك ان يقفل المسام وينعش البشرة ويقلل من افرازات الدهون في كثير انواع -بيودرما او نيفيا- حطي من التونر على قطنة وافركي فيها بشرتك استخدمتي كثير ما نفع مع بشرتك او ما حبيتي اشوف ان اجمل تونر هو موية الورد ودايم برديها استخدميها مع قطن او حطيها مثل الصورة ولو استخدمتي موية الورد وحسيتي انها تهيج بشرتك وحسستها خففيها لان يكون تركيزها عالي.

ونجي لاهم شي اللي هو الترطيب : ضروي بنات الترطيب مره مهم اختاري مرطب مناسب لبشرتك ارشح لكم -سيتافيل وبودرما- 

نصائح بسيطة:

-لازم يكون عندك روتين لبشرتك وذكرته واللي هو (غسول تونر او تونيك وبعده ترطيب)

-لا تنامين بلميك ابداً انتي كذا تعدمين بشرتك استخدمي مزيل -بحط لكم بوست كامل- وبعدها تغسلين بشرتك.

-قشري بشرتك  مرتين بلاسبوع لو بشرتك دهنية ومره لو بشرتك جافة او حساسة استخدمي مقشر جاهز او طبيعي

-الموية مررره سر جمال البشرة مهما يكون ببشرتك مشاكل اذا تشربين كثير موية بتشوفين فيها نظارة وحطيت لكم برنامج يساعدك تشربين موية.

شوفو هنا كيف الموية سر النتائج الجميلة بعد ٤ اسابيع من شرب الموية.

-خصصي يوم بلاسبوع تعتنين فيه ببشرتك تقشير وبعده ماسك او قناع استخدمي جاهز او طبيعي اللي يريحك (وبكتب لكم اجمل الماسكات الطبيعية)

-ضروري تحمين بشرتك من الشمس انك تحطين واقي.

-غسلي الفرش حقتك بأستمرار عشان ممكن تسبب لك حبوب

- واذا جتك حبة فجاءة ابد لا تلمسينها عشان ما تترك لك اثر ممكن تتخلصين منها (زيت الشاي من بودي شوب -معجون الاسنان) 

-مشاكب البشرة كثير لو عندك (هالات -حب شباب -آثار- هالات ) عالجيها انا حطيت بلانستغرام لكل مشكلة حلول لو ما حصلتيها اكتبي لي اسوي لك منشن. 

بكذا اكون خلصت الموضوع مع اني احس اني ما عطيته حقه لكن اعذروني واتمنى تستفيدون بحط لكم قريب اجمل ماسكات طبيعية للبشرة وموضوع عن إزالة الميك اب💜